De Kapitän Mullebutz a seng Séisswaassermatrousen si schneekeg!
De Kapitän Mullebutz a seng Séisswaassermatrouse sinn no laanger Rees erëm zréck am Hafen zu Lëtzebuerg. Nodeems de Kapitän Mullebutz a seng Crew duerch hiert villt Gewibbels an Héichform sinn, kënne si mat guddem Gewëssen erëm op hire Bauch lauschteren, gutt iessen a schneeken, mmm! Pechege Kachkéis, en Zapp-Ee, eng laang Zoossiss a gaaaaanz vill Schockela.
De Mullebutz a seng Crew invitéieren all kleng a grouss Piraten, fir mat hinnen ze sangen an ze danzen. Dir dierft och gäre verkleet kommen!
De Kapitän Mullebutz a seng Séisswaassermatrouse si schneekeg! ass den drëtten Deel vun der beléifter Matmaach-Concerts-Serie fir Kanner vu 4 bis 9 Joer an hir erwuesse Begleeder.
Produktioun: AllerRetour a.s.b.l. & Philharmonie Luxembourg
Koproduktioun: Escher Theater, Centre culturel régional Aalt Stadhaus Differdange, Trifolion Echternach
E Spektakel op Lëtzebuergesch an op däitsch Gebäerdesprooch.